Ach an oiread le cuid mhaith tíortha eile, tá dhá theanga oifigiúla in Éirinn agus tugtar tuairisc sa Tuarascáil Oifigiúil ar an méid a bhíonn le rá sa dá theanga.
Murab ionann is tíortha eile, cosúil le Ceanada, ní tháirgeann Oifig na nDíospóireachtaí dhá leagan den díospóireacht. Ina ionad sin, tugann sí tuairisc ar na cainteoirí i gcibé teanga a bhíonn in úsáid acu. Riamh anall san Oireachtas, ba mhinic le díospóireachtaí i nGaeilge titim idir dhá chatagóir leathana. Ón tús ar fad, bhí an Ghaeilge in úsáid i rith ócáidí sollúnta chun aird a tharraingt ar a dtábhacht. Ar an mbealach sin, is i nGaeilge a rinneadh an gnó le linn chéad suíonna na Chéad Dála agus an Dara Dáil den chuid is mó.