• Nuacht
  • Teagmháil
  • English
Dail 100
  • Daoine
  • Díospóireachtaí
  • Scéalta fada
  • Imeachtaí
  • Oideachas
  • Seoda

Oíche Chultúir 2019

Dáta / Am / Ionad

Dáta

Dé hAoine, 20 MFómh 2019

Am

5:00 - 10:00 pm

Ionad

Leinster House, Kildare St, Dublin 2

Féach ar an Amlíne

Oíche Chultúir: Turas Timpeall ar Theach Laighean

An Oíche Chultúir seo, glac páirt i dturas speisialta #Dáil100 timpeall ar Theach Laighean, an áit a bhfuil an tOireachtas, parlaimint na hÉireann, suite.

Feicfidh tú seomraí Dháil Éireann agus Sheanad Éireann chomh maith le taispeántas speisialta faoi stair an Oireachtais ina mbeidh íomhánna aitheanta a bhaineann le 100 bliain de Dháil Éireann. Beidh aisteoirí ann chun beocht a chur sa scéal agus cuirfear ceol ar fáil um thráthnóna.

Beidh turas ar siúl gach 15 nóiméad ó 5pm go 9.45pm.

Beidh cead isteach saor in aisce ach ní foláir ticéad a chur in áirithe roimh ré. Beidh ticéid ar fáil ó Eventbrite Dé Máirt, an 6 Lúnasa.


Maidir le Teach Laighean


Ba é James Fitzgerald, an Chéad Diúc Laighean, a thóg Teach Laighean i lár an 18ú aois. Cheannaigh Cumann Ríoga Bhaile Átha Cliath é sa bhliain 1815 agus sa bhliain 1924 cheannaigh an Stát Teach Laighean ó Chumann Ríoga Bhaile Átha Cliath agus bhí an tOireachtas in ann tosú ar an Teach a chur in oiriúint dá chuid riachtanas. Tá móroibreacha caomhnaithe agus athchóirithe ar siúl sa Teach Seoirseach bunaidh faoi láthair chun an foirgneamh seo, atá tábhachtach ó thaobh na staire agus na hailtireachta de, a chaomhnú.

  • Daoine
  • Díospóireachtaí
  • Scéalta fada
  • Imeachtaí
  • Oideachas
  • Seoda

Tionscnamh de chuid Thithe an Oireachtais is ea Dáil100. Déantar comóradh leis ar chothrom 100 bliain thús an phlé pholaitiúil, na díospóireachta agus na reachtóireachta i nDáil Éireann.

  • Maidir linn
  • Nuacht
  • Cóipcheart
  • Beartas Príobháideachais
  • Teagmháil