Parlaimint d’Éirinn
Reáchtáladh chéad chruinniú Dháil Éireann an 21 Eanáir 1919 ach aithníodh agus pléadh an gá le féin-rialachas nó parlaimint d’Éirinn ar feadh na gcéadta bliain roimhe sin. Léirítear sna Bailiúcháin Speisialta i Leabharlann an Oireachtais na bealaí éagsúla ar dearbhaíodh an t-éileamh ar fhéin-rialachas le himeacht ama. I measc na nithe a roghnaíodh don ghailearaí seo tá paimfléad ón 17ú haois faoin ngá le féinriail Éireann chun dlíthe a dhéanamh, tráchtas ar an ábhar céanna ón 18ú haois agus achainí ar Mheiriceá ón 19ú haois tacú le neamhspleáchas na hÉireann.